«Արծաթե Սյուն» ՍՊԸ-ն հանդիսանում է Շիրակի մարզի Գոգհովիտ գյուղի բազալտի հանքավայրի ընդերքաօգտագործող կազմակերպություն: Հանքավայրը գործարկվել է 1980-ական թվականներից և «Արծաթե Սյուն» ՍՊԸ-ի կողմից շահագործվում է 2019թ-ից: Հանքավայրի պաշարները կազմում են մոտ 2 միլիոն մ³: Հանքի արտադրողականությունը կարող է հասնել օրական մինչև 400 մ³-ի: Բազալտի հումքը անցել է բոլոր փորձաքննությունները, լաբորատոր անալիզները և համապատասխանում է միջազգային ստանդարտներին իր բարձր որակով: Թիմային նվիրված աշխատանքի և ժամանակակից հզորագույն շինարարական տեխնիկաների շնորհիվ հանքը այսօր սպառողին կարող է մատուցել ամենաորակյալ հումքը ցանկացած ծավալի: Գոգհովիտի բազալտը ունի միջազգային շուկայում հանդես գալու բոլոր նախապայմանները: Կազմակերպությունը առաջիկայում պատրաստվում է ունենալ սեփական քարի աղացը, մշակման արտադրամասը և ձուլարանը: Կազմակերպությունը պլանավորում է նաև ստեղծել բազալտե արտադրատեսակների արտադրություն։ «Արծաթե Սյուն» ընկերությունը պատրաստ է դիտարկել բոլոր տեսակի համագործակցության առաջարկները և բաց է միջազգային ներդրողների հետ համագործակցելու համար: